黑椒牛肋粒

2010年5月31日

只是簡簡單單煮個快餸, 煮起覺得幾靚噃, 影番張相先。

用料只是Taste買的醃好的牛肋粒。
先把洋葱煎軟,煎時洒幾粒盬, 上碟。
起鑊, 把牛肋粒放進去, 冚盖煎焗一會, 再反另一面, 冚盖煎焗一會, 好漂亮, 上碟。

我愈來愈喜歡Lagostina的鑊, 它的煎焗功能冇得彈, 煎得又香脆, 冚蓋又唔駛的油彈到四圍都係, 而且快啲熟。真係快妥當。

簡單素食

2010年5月17日

但凡有機會便爭取吃素食, 預留多些配額外出吃喝。今天煮了個油盬水冬瓜, 蝦醬炒通菜, 煎豆腐。沒有吃飯, 都很飽呢！

火車頭越南菜

2010年5月16日

大坑的火車頭越南菜館已開業了很久了, 有兩三年吧, 因為常常客滿而且大排長龍, 所以很多次來到都不願久侯而向隅。
今天12時己到達還是要等。最終都可一嚐。然而希望太大, 只覺亦不外如是, 水準一般, 但不至於出色。我覺得上環的越南牛肉粉專門店比它還好, 只是這裏走西餐的裝修和服務制度, 好似high的, 但座位亦好狹窄, ）匆匆的吃, 其實有高級大排檔feel。好了, 試過就不需要再來盼望, 又因長龍而失望了。
狹窄的枱上放了餐具等東西已無甚麼位置, 想食多啲都麻煩。

生牛肉粉, 牛肉唔夠生!

芽菜, 青檸, 辣椒令上。

香茅豬扒檬, ok啦, 味道仍有進步空間。

春卷, 賣相係咪好唔得呢。

薑汁豬扒

2010年5月11日

昨天從網上看到個日式薑汁豬扒食譜, 便試煮, 當中需要日式調味料sake, 味醂；我沒有日式酒, 想也可用花雕試試。 打開廚櫃, 原來有一支小白酒還剩少許, 剛好用來烹煮了。 用上白酒、薑汁、生抽醃了一小時。煎的時候己經好香, 煎好急不及待馬上試吓, 好香薑酒味。我不喝酒但喜歡用酒煮菜餚, 我試過用拔籣地醃牛扒, 也好香酒味的呢；薑也是我很喜愛的食物兼調味, 薑配搭雞是天衣無縫, 原來跟豬一起也很匹配。我愛薑酒味料理。